Categories
नेपाः भाय्

झीगु बारे

 

 

झीपिं नेपाल सम्बतया छ्यलाबुला याइगु मिपुचः खः । झी सक्रिय रूपं नेपाल सम्बतया औपचारिक मान्यताया नितिं वकालत यानाच्वना अलय् थःगु न्हियान्हि जिबनय् छ्यलाबुला यानाच्वना । #JheeguNepalSambat

 

 

[थ्व धलः ब्यानां हे च्वनिं]

 

१) किरण श्रेष्ठ २२ नखिपोत माचाछिइ छ्यले, छुं स्तार्त-अप याःसा उके छ्यले, पौ / निबेदन बीबलय् छ्यले, जन्मदिं हनेतः छ्यले
२) राजीव श्रेष्ठ ३६ मिनभवन न्हियां न्हि, धार्मिक व सांस्कृतिक ज्याखँया नितिं
३) नरेन्द्र श्रेष्ठ २३ फम्पि भ्वंज्या वा जिगू पसलय्
४) ज्वाला भद्र ४० सक्व जिगू कला च्वकिपाय् नेपाल सम्बत न्हिल्याः छ्यले
५) नरेश नेवाः ५३ ख्वप आः न्हिल्याः कथंया नेपाल सम्बत हे छ्यले ।
६) फ्रायेन्की फ्रान्ज २२ धलको, येँ जिं फयांफक्व फुक्क ख्यलय् नेपाल सम्बत छ्यले । इतिहासया फुक्क ख्यलय् ब्याक्क छ्यलाबुला दयाच्वंगु नगुमाः छ्यलेगु जिगू गौरब खः । झीसं थुकेतः झीगु न्हियान्हि सफू पौ अलय् बनेज्याय् छ्यलाः थुकेया छ्यलाबुला ब्याकेफै । औपचारिक ज्याखँय् नं छ्यलेज्यू । थःगु सम्पदा म्हालासालाया नितिं जायेनु ।
७) आनन्द मानन्धर ३० पाकन्डोल, सूर्यविनायक-१ जिं सम्पदा (वास्तुकला व संस्कृति) सम्बन्धि तयाच्वनागु अभिलेखसं नेपाल सम्बत छ्यले ।
८) सुरोज महर्जन २६ ख्वना, यल पौ च्वय बलय् नेपाल सम्बत न्हिल्या छ्यलगु जुल। अथेंं हे छुंं च्वसु च्वयबलय् न्हिल्या नेपाल सम्बत दुथ्याका थगु च्वसु छु ई: अले गुलि दत धका न सिके दै।
९) रुक्शना कपाली २१ यल जि ज्या यानाच्वनागु मिवां (मानव अधिकार) ख्यलय् खः । नेसं ११३७ निसें सक्रिय जुयाच्वनागु जि ज्यासनाच्वनागु थिथि पुचलय् व थःगु ब्यक्तिगत ज्याखँत् ताकं पौ च्वयेमाली बलय्, छुं दस्तावेज दयेकिमाली बलय्, छुं च्वसु च्वयेमालीबलय्, छुं प्रतिवेदन दयेकीबलय् नेपाल सम्बत जिं न्ह्याबलें छ्यला । नेवाःत जक्क मदुगु पुचलय् विसं व इसं नापं नेसं नं तयेमाः धकाः तयेकाच्वनागु दु धाःसा नेवाःत जक्क दूगु पुचलय् बा छुं पुचः नापं स्वापू मतःसे थः याकचां यानाच्वनागु ज्याय् जिं मेगु सम्बत हे मछ्यला, नेपाल सम्बत जक्क तया । वडा, नगरपालिकाय् बीगु निबेदन निसें सिंहदबारय् छ्वयेगु, संसदय् छ्वयेगु, मन्त्रीपरिषद ज्याकुथिइ छ्वयेगु इत्यादि भ्वँतय् थिथि पुचः पाखें छ्वःसा नेपाल सम्बत नं च्वयेगु अलय् थः याकःचाया सरोकार जूसा नेपाल सम्बत जक्क च्वयेगु यानाच्वना । जिगू व्यक्तिगत प्रतिवेदन, निवेदन, लयागत थःम्हं वनां दर्ता याकीबलय् आः ताक्क आपलं सरकारी निकायतय्‌सं रोकतोक मयाः । गुलिस्यां थन विसं नं च्व धकाः धाइ । जिं म्हां हे धया च्वयेगु मयाना । छाय् धाःसा जिगू बिचालय् अन विसं मिति च्वयेखतुवं नेसं मिति ला ‘दु ला दु’ थें जक्क जूवनिं । अज्याःगु निवेदनया लिसः बीबलय् गुलिस्यां ‘छिगू निवेदन थ्व मितिइ जिम्तः वल’ धकाः इमेगु ज्याकुथिइ निवेदन दुतिंगु विसं मिति च्वयाः हइ धाःसा गुलिस्यां ‘छिगू नेसं थ्वथ्व मितिया निवेदन’ धकाः जिं पौसं च्वयागु नेसं मिति हे च्वया हइ । तर थुके हात्था मवःगु मखु । जि थःहे थापंमि जुयाच्वनागु छगू संस्थाय् मेपिं दुजःत लिसें सहलह ब्याकाः जिम्सं नेपालभास नं छ्यलेगु अलय् नेपालभासया निवेदन, दस्तावेज लगायतय् नेपाल सम्बत हे छ्यलेगु धकाः क्वःछिना । थ्व संस्थाय् नेसं ११३९ निसें थथे यानाच्वना । तर मेगु साल नेसं ११४० थ्यंबलय् व नेपाल सम्बत जक्क छ्यलाः तयागु अभिलेखत उखे थुखे लाःवन । नेपाल सम्बतय् तिथि जक्क दैगुलिं उकेया आधारय् तिथि तुत-फुत जुयाच्वनिंगु जुयाः हिसाब किताब पाय्‌छि मजुसें उकें तस्कं गन्जागोलया माहोल हल । अझ नेसं ११४०सं छ्गू महिना अप्वः जुइगु अलय् थुगुसिया व महिनाया गन्तित मेगु सालं छु यायेगु धकाः नं खँ वल । अनं हाकनं नगुमाः पुइकाः इसंया मिति च्वये हे माल । यद्यपि अज्याःगु समस्या आः नेसं ११४१ निसें ‘न्हिल्याः’ प्रणालिं यानां जुइमखुत । थ्व न्हिल्याः प्रणाली छताजिं हे न्ह्यानाच्वंगु अलय् तुत फुतया समस्या मवइगुलिं थुकें थथे संस्थागत ज्याय् सनाच्वंपिन्तः नं नेपाल सम्बत हात्था मदयेक छ्यलेफैगु जुल । नेपाल सम्बत छ्यलेगु ज्या न्ह्यानां हे च्वंगु दु अलय् न्ह्यानां हे च्वनिं ।

Share and Enjoy !

Shares